Во Србија уапсени 56 лица осомничени за корупција

0
134

Припадници на Министерството за внатрешни работи на Србија во повеќе одвоени акции за сузбивање финансиски криминал и корупција уапсија 56 лица осомничени за корупција уште од 2008 година.

Меѓу уапсените е и В.Р., поранешно одговорно лице на аеродромот „Никола Тесла“, соопшти денеска српското Министерство за внатрешни работи.

Во акциите, спроведени на територијата на Белград, Нови Сад, Панчево, Смедерево, Зајечар, Крагуевац, Краљево, Крушевац, Прокупље, Пирот и Нови Пазар, уапсените се осомничени дека со коруптивни кривични дела го оштетиле буџетот на Република Србија, буџетите на локалните самоуправи и други правни и физички лица за повеќе од 8,4 милиони евра.

Во акцијата, исто така, се запленети 31.627 штеки цигари од различни марки без акцизни маркички, во вредност од околу 50 милиони динари, се наведува во соопштението.

Без коментари