Албанскиот претседател во посета на Битола

0
2398

Под силно полициско обезбедување, согласно протоколите за високи гости, претпладнево расчистени улици, без паркирани возила, полицајци по улиците, хеликоптер над Битола, за пречек на високиот гостин од Албанија претседателот на оваа земја.

Неговата дводневна посета на Македонија ја завршва во Битола. На црвен килим пречекан пред зградата на општина Битола. Добредојде му посака градоначалничката Наташа Петровска.

Куса средба во нејзиниот кабинет, и во приство на вицепремиерот во владата на македонија хазби лика.

„Исклучителна чест е за мене како претседател на Република Албанија да го посетам градот Битола и да изразам задоволство што се наоѓам на едно свето место за Албанците, било каде да живеат тие, место каде што нашите најумни и најхрабри патриоти, 109 години порано го направија унифицирањето на албанската азбука. Битолскиот Конгрес е исклучително важен настан, бидејќи ја забрза процедурата за следниот уште поважен настан прогласувањето на независноста на Албанија. Во оваа прилика, сакам да му се заблагодарам на вицепремиерот г-дин Хасби Лика и на новоизбраната градоначалничка на Битола, г-ѓа Наташа Петровска. Сакам да искажам благодарност и до властите во Р. Македонија и на локално и на централно ниво, за грижата што ја искажуваат за овој објект, за ова здание и за сите нивни планови за реставрација, надградба и негово збогатување. Ние ќе бидеме во комуникација за да го дадеме и нашиот придонес за оваа работа. Јас се надевам дека сме во нова ера на одлични меѓуетнички односи внатре во Македонија и на исто така, одлични односи помеѓу граѓаните и двете држави, од двете страни на границата. Догодина славиме 110 години од постоењето на овој славен Битолски конгрес и овој настан е од исклучителна важност за нас, а верувам и за Општина Битола и за Владата на Република Македонија, воопшто. Убеден сум, дека сега Битола не само што ќе биде многу повеќе посетена од Албанците и во Македонија и во дијаспората, но ќе биде посетена и од учениците и студентите од Албанците од Албанија за да се запознаат со историјата и да бидат уште посвесни и поблагодарни за целокупната работа на тие луѓе кои пред 109 години го направија Битолскиот конгрес. Во оваа можност, имам специјална покана до градоначалничката на Битола, да ја посети Албанија за да заедно со нас, на Владино ниво, но и со општините во Република Албанија, да основаме заеднички програми, кои ќе не доближат уште повеќе да имаме не само добро разбирање, туку и поголема љубов”, изјави претседателот на Република Албанија, Илир Мета, при денешната посета на НУ Музеј на Албанската азбука во Битола.

„Во оваа прилика сакам да им го честитам на сите Албанци каде и да се наоѓаат во светот – Денот на Албанската азбука. Ова е само потврда дека Битола отсекогаш бил културен, образовен, економски центар, значаен центар од секаков аспект. Она што би сакала да го споменам е дека каде и да се наоѓате, на која нација и да припаѓате, секогаш за човештвото е најбитна комуникацијата, разбирањето, градењето на довербата помеѓу народите, а ова е всушност еден од начините, како во пракса го покажуваме тоа. Со мојот почитуван гостин, денес разговаравме меѓудругото за најразличните форми на соработка во следниот период којшто се однесуваат и во сферата на образованието, туризмот, економијата. Тоа е во интерес на двете страни во градењето и продлабочувањето на меѓусебната соработка. Јас сум длабоко убедена дека тоа во иднина ќе се реализира”, изјави градоначалничката на Општина Битола, м-р Наташа Петровска.

По средбата пеш низ булеварот се упатија кон зградата односно Музејот на Албанската азбука во Битола. Поводот е 22 ноември денот на Албанската азбука.
Со средстава од ИПА фондовите за прекугранична соработка ќе се реконструра Музејот на албанската азбука во Битола. Според Бурим Керими, советник од ДУИ во Советот на Општина Битола, објектот ќе се реконструра во надворешниот дел, фасадата, но и внатрешноста на објектот. Средствата за оваа намена се движат околу 300 000 евра.
Денес медиумите ја слушнаа и идејата за отварање на албански козулат во Битола.

Мета вчера имаше средби во Скопје со неговиот колега Иванов, со премиерот Зоран Заев и лидерот на ВМРО-ДПМНЕ  Никола Груевски.