Алтипармаковски ја донесе четвртата Куп титула за Работнички

0
202

Скопски Работнички повторно се радува на трофејот од Купот на Македонија, романтичарите со 2:1 славеа против Тетекс во финалниот натпревар одигран на „Aрената Филип Втори„.

Мечот помина во тактичка игра и од двете страни, но со одлични голови и неколку убави шанси пред се на страната на Работнички. Пред крајот на првото полувреме Тетекс поведе со гол на Чурлинов. Со почетокот на вториот дел Работнички го зголеми притисокот кон голот на Тетекс, тоа конечно вроди со плод во 69 минута кога Баже Илјиоски постигна фантастичен гол со пета за израмнување на 1:1. Две минути подоцна големо олеснување за Работнички, по еден опасен старт Најдовски заработи црвен картон, Тетекс остана со играч помалку. Теренската надмоќ беше брзо крунисана, со гол на Алтипармаковски во 73 минута Работнички направи комплетен пресврт и дојде до својата четврта куп титула.