Authors Објавено одЕлена Павловска

Елена Павловска

258 Постови 0 Коментари

0 228

Неполн месец до најголемиот христијански празнк Велигден. Велгиденските пости се во тек, продавниците се преполни со шаренолики украси кои што го најавуваат христовото воскресување, извозот на јагнешко веќе е во тек, неофицијално продавачите на месарниците во Битола цената ја најавија дека ќе биде по 300 денари од килограм, и дека интересот од битолчани засега е слаб. Ги анкетиравме граѓаните дали по секоја цена ќе имаат јагнешко на нивната трпеза.
– Го купуваме, секако дека за Велигден ќе имаме јагнешко месо, велат поголем дел од граѓаните, додека пак други велат доколку имаат пари ќе купат.

Без вапцани јајца и јагнешко месо не може да се замисли трпезата за време на Велигденските празници велат битолчани. Тие се карактеристични за овој голем Христијански празник , но колку се задоволни од цените на јагнешкото, и по колку јагнешко се купува во Битола?

– Некои велат дека се задоволни со цената други велат дека им е скапо.

Од почетокот на годинава досега на традиционалните пазари, италијанскиот, грчкиот, хрватскиот, како и на пазарите во Црна Гора, Хрватска, Србија и Бугарија извезени се вкупно 14. 224 јагниња односно 152. 334 килограми јагнешко месо, велат од Агеницјата за храна и ветеринарство.

0 246

Од Републичкиот совет за безбедност на сообраќајот на патиштата наведуваат дека пешаците најмногу страдаат во сообраќајни незгоди поради тоа што кај нив отсуствува чувството на свесност дека и тие се учесници во сообраќајот.
Во 2016 година во Македонија 35 пешаци загинале во сообраќајни незгоди, додека 871 пешак биле повредени. Од загинатите пешаци едно лице било на возраст до 14 години, три лица на возраст од 25 до 40 години, 14 лица на возраст од 41до 64 години и 17 лица на возраст над 65 години.
Од РСБСП велат дека одговорноста на возачите за безбедноста на пешаците во сообраќајот не е ништо помала од таа на пешаците и дека и тие се учесници во сообраќајот и за нив важат сообраќајните правила и прописи, како и за сите други учесници во сообраќајот.
Лошите навики и ниската сообраќајна култура се важен фактор од кој зависи безбедноста на пешаците во сообраќајот, но важно е и тоа дека пешаците најмалку ги познаваат сообраќајните правила и прописи, најмалку се контролирани и најмалку се санкционирани како учесници во сообраќајот.
За нивните обврски и нивниот однос кон пешаците РСБСП потсетува на најважните правила и прописи што возачите треба секогаш да ги практикуваат: кога приоѓа кон обележан пешачки премин, возачот е должен да управува со возилото и да вози со таква брзина што овозможува во случај на потреба да го запре возилото пред пешачкиот премин, возачот е должен секогаш да ги препушти пешаците кои стапнале на пешачкиот премин, возачот не смее да престигнува друго возило кое се приближува кон обележан пешачки премин, кое преминува пешачки премин или кое застанало заради пропуштање на пешаци на тој премин.

0 185

Иако постојат строги и прецизни правила за тоа кој и како може да магистрира, а посебно да се стекне со звање доктор на науки, практиката на некои факултети во земјава покажува дека до академска титула може многу лесно да се дојде. Но Државниот завод за статистика со податок кои што укажува на спротивното, дека е намален бројот на магистри на наука и специјалисти, сепак можеби финансиите се во прашање.
Заводот за статистика вели дека во 2016 година звање магистер на науки и специјалист стекнале вкупно 2021 лице, што е намалување за 17.2 проценти во однос на 2015 година. Од вкупниот број, 1881 или 93.1 проценти се магистри и 140 или 6.9 проценти се специјалисти.
Од вкупниот број лица кои минатата година стекнале научен степен магистер на науки, 58.9 проценти се жени.

Најголем број од магистерските трудови, односно 1198 или 63.7 проценти, се од областа на општествените науки, 20.9 отсто од областа на техничко-технолошките науки, а останатите се од областа на хуманистичките, природно-математичките, биотехничките и медицинските науки.

0 269

Викендов почнува летното сметање на времето. Додека пак експертите ја доведуваа многупати досега во прашање оваа пракса укажувајќи на здравствени ризици и економска штета.

Веќе некое време критичарите на поместувањето на часовникот два пати годишно се обидуваат да докажат дека таа промена веќе не е корисна. Така на коференција во Брисел професор по неврохирургија од Оксфорд, претставувајќи ги неговите анализи од истражување, дошол до заклучок дека поместувањето на часовникот влијае на луѓето, посебно на спиењето. Неговиот заклучок е дека враќањето на часовникот не донесува заштеда на енергија, претставува значаен здравствен ризик и многу ја чини економијата.
Веќе подолго време експертите настојуваат да докажат дека промената на времето има негативни ефекти на физичката и ментална функција бидејќи прави неред во биолошкиот часовник.
Како што се наведува во заклучокот од истражувањето дека на децата и повозрасните им се потребни недели за да се навикнат на таа промена. Истовремено во тоа време се бележи зголемен број на сообраќајни несреќи и компликации после хируршки интервенции.
Исто така експертите сметаат дека промената на времето два пати годишно ја чини ЕУ помеѓу еден и два отсто од БДП, што е воглавно директно поврзано со здравствените проблеми. Тоа значи дека годишно се губат речиси 300 милијарди евра.
Во недела часовниците ќе се поместат за еден час нанапред, односно времето во два часот ќе се смета како три часот. Додека од Понеделник метеоролозите најавуваат позначителна промена на временската состојба. Ќе има зголемена облачност и врнежи од дожд, а на некои повисоки места и на планините се очекуваат и врнежи од снег.

Secured By miniOrange