Latest news
Authors Објавено одЕлена Павловска

Елена Павловска

174 Постови 0 Коментари

0 1798

Се работи за 1 милион денари кои што ќе бидат пренаменети, значи наша иницијатива е тие да бидат пренаменети во делот на сверата на оние луѓе каде што е потребна помош односно кај социјална категорија на луѓе и тоа на следниот начин, половина да бидат за домот Кочо Рацин затоа што тие доставија писмо уште пред Нова Година, побараја помош и подршка за сензорна соба која што е потребна, таа не е ефтина таа е скапа, но мислам дека некаде половината од финансиските средства кои што им се потребни на ваков начин ќе ги обезбедат 50%. А со другата половина ја зголемуваме стапката за социјална помош во советот на Општина Битола, така што сите барања кои што ќе доаѓаат ќе одат преку комисијата за финансиска помош, советот околу 30 јануари треба да има седница и треба да донесе посебна одлука за Кочо Рацин бидејќи за да се префрлат финансиските средсва за домот Кочо Рацин треба да направат тие донаторска сметка, а за да направат донаторска сметка потребно е советот да донеси посебна одлука со кое што тоа ќе им го овозможи, ако го донесат тоа јас ќе ја потпишам одлуката и делот што е предвиден за нив ние веднаш ќе го префрлиме, изјави Градоначалникот на Општина Битола Владмири Талески

 

0 460

После дружбата со еден дел од председателите од месните заедници ќе разговараме за тековните работи за се она што сме го завршиле или можеби за некој проблем кој што го имало негде, некој од проектите можеби е застанат. Јас ги информирав за тоа, практично она што ни беше зацртано во програмата за 2016 година иако имавме исклучително многу тешка напорна година сепак главно над 98 % тоа е завршено онај мал дел кој што не успеал да се заврши во план ни е до крај на мандатот на оваа локална самоуправа односно пролетва тоа да го завршиме, за скоро ќе излеземе со нашиот Отчет за се она што имаме сработено и кои проекти се во тек, и како ќе се завршат, има таму и големи капитални проекти има проекти од средна вредност има и поситни проекти, сите се важни и занчајни, имаат значење за сите граѓани во општина Битола и целиот регион а пак поситните проекти се важни за оние луѓе кои што се на местото за конкретна месна заедница. Милам дека во крајот на нашата работа годината можеме да ја оцениме како успешна без разлика на сите политички и големи турбуленции кои што постоеја во 2016 година и се разбира очекуваме 2017 година да биди помирна без разлика на периодот во кој што се наоѓаме што е сеуште неизвесен и не знаеме што се до крај ќе се случи, очекуваме да се формира влада затоа што периодот наназад исто така дел од проектите ни беа поврзани и со работењето на владата на РМ знаете дека и тие како и ние кога е период на избори има ограничувања на надлежностите така што тука имаме еден мал застој но се надевам дека за периодот кој што следи и поволни да се развеши таа работа и се надевам дека сите ќе извлечиме добри поуки од веќе направените анализи од кризата која што сега веќе е зад нас, изјави Градоначалникот на Општина Битола Владмир Талески

0 651

Докторите преку интернет порталите со совет до родителите, дека на децата им требаат свеж воздух и активности во зима, како и во текот на другите годишни времиња.
Постојат неколку ефикасни начини детето да биде сигурно и заштитено додека е надвор, а постојат и многу благодети кои ги нуди и ладното време. Бидејќи во затворените простории се кријат бактериите.

Кај многу деца кои не поминуваат доволно време надвор доаѓа до недостиг на витамин Д. Воздухот во домот е помалку здрав. Децата кои си играат надвор имаат подобар вид и поретко им се потребни очила. Се претпоставува дека тоа меѓу другото е и поради тоа што помалку време поминуваат пред екранот.

Мајките се свесни дека е пожелно децата да поминуваат одредено време на отворено, па дури и кога е студено, но оној инстинкт кој ги тера да ги заштитат децата често ги доведува до ситуација да не дозволат децата да излезат надвор. Од друга страна, ако дозволите децата природно да дојдат во контакт со некои бактерии тоа ќе ги намали шансите кај нив да се развијат некои автоимуни нарушувања и алергии. Кај децата имунитетот се зајакнува ако престојуваат на отворено. Важно е тие да поминуваат време на свеж воздух бидејќи бактериите кои ги внесуваат дома се рециклираат и што повеќе време поминуваме на затворени, толку повеќе се подложни на бактерии. Ако веќе не го изнесувате детето надвор, барем редовно проветрувајте ги просториите, велат докторите , додека експертите сметаат дека децата е неопходно да имаат 60 минути физичка активност секој ден. Кога чекорат по снегот, тие користат поголеми групи на мускули и потребна им е поголема сила за да се движат. Ако децата надвор поминуваат време и играат на снегот, подобро и ќе спијат, ќе им се зголеми апетитот и со самото тоа ќе бидат повеќе расположени.

Снегот за децата претставува нов предизвик и психички и когнитивен. Ако клупите и лулашките се прекриени со снег или замрзнати, децата треба со помош на својата снаодливост и имагинација да најдат начин за повторно да ги користат или да пронајдат замена, Играњето на снегот бара одредени способности и затоа зимата е совршеното годишно време за развивање на истите.

Одредете време кое децата ќе го поминат надвор со кратки паузи за одмор за да се загреат. Децата облечете ги слоевито. Не дозволувајте да поминуваат долго време на отворено кога се екстремо ниски температури. Проверете дали местото каде што ќе играат е безбедно, во случај да има скриени тврди и остри предмети под снегот, или пак има скриен мраз.

0 210

Православните верници утре го слават празникот Богојавление кој се празнува од вториот век. Празникот се нарекува уште и Водици поради големиот водосвет што го извршува црквата на овој ден.
Традиционално, во реките се положуваат крстови, а оној што ќе го фати Светиот крст се верува дека ќе го следи благослов и среќа во текот на целата година. Фаќањето на крстот значи соединување на човекот со Христос .

Штом ќе зајде сонцето, христијаните почнуваат да се поздравуваат со „Бог се јави!“, а одговараат со: „Навистина се јави!“.
Нашите стари верувале дека ноќта меѓу 18. и 19. јануари е време кога небото се отвора и „Бог се јавува“. Според верувањето, Богојавление-јавувањето или објавата од Бог, се случува во текот на ноќта во очи на Богојавление, кога за миг се отвора небото за да се вкрстат ветровите што дуваат во зима со оние што дуваат во лето. Во тој миг сите води на светот престануваат да течат, а оној што ќе се затекне на отворено и ќе го види тоа, може од Бог да побара исполнување на една желба.
Според христијанското верување,на 30 година од нашата ера Исус Христос како дрводелец живеел со својата мајка Марија и нејзиниот сопруг Јосиф, а потоа го повикал Јован Крстител да го крсти во реката Јордан. Според Библијата, веднаш по крстењето, а тоа било извршено со три пати потонување во водата, се отворило небото и се слушнал гласот на Отецот Бог кој објавил дека Исус е негов син, а тогаш од рамото на Исус слетал Светиот Дух во облик на гулаб. Со ова крштевање Исус го означил почетокот на својата мисија и проповедите.
Богојавление е еден од петнаесетте најголеми христијански празници. Него го карактеризираат и голем број други верувања и обичаи кои се практикувале во минатото. Се верува дека немажените девојки, доколку стават огледало под перница на 18 јануари ќе го сонуваат мажот за кој ќе се омажат.
Исто така во некои делови, младите девојки месат по четири топчиња од тесто. Во три од нив ставаат ливче хартија со име од своите симпатии, а едно оставаат празно. Потоа топчињата ги ставаат во вода што врие и првото топче што ќе излезе на површина го носи името со љубовта на таа девојка. Доколку прво на површина исплива празното топче-тоа значи дека девојката се уште не го запознала оној што и е суден.

Се верувало дека во време на Богојавление се претскажувало какво ќе биде времето цела година. Ако има голем мраз или врне снег, годината ќе биде родна. Ако биде ведро, ќе биде сушна. Доколку 19 јануари биде дождлив, цела година ќе има многу врнежи и поплави.
На овој ден се осветува водата за која се верува дека е лековита и чудотворна и се нарекува богојавленска вода. Неа верниците ја носат дома и ја чуваат како лек во текот на целата година.

 

SOCIAL

16,061FansLike
910FollowersFollow
0SubscribersSubscribe