Authors Објавено одБашуровски Стево

Башуровски Стево

7540 Постови 0 Коментари

0 247

Во периодот од 20 до 24.03.2017 година во четири цркви во демирхисарско непознат/и сторител/и извршил/е три тешки кражба и една кражба. Во селото Света, во храмот  „Св.Пантелејмон“ сторителот со камен го искршил стаклото од влезната врата, влегол внатре и од бирото за продажба на свеќи  одзел 400 денари во разни апоени. Потоа, во храмот „Св.Петка“ сторителот со подесен алат насилно ја отворил влезната врата, влегол внатре и од иконите одзел 300 денари во разни апоени.  Во село Вардино, во црквата „Св.Константин и Елена“ сторителот, низ незаклучената влезна врата, влегол внатре и од иконите одзел околу 500 денари во разни апоени. Потоа со употреба на подесен алат го скршил катанецот на вратата од металната каса и од неа одзел околу 9.000 денари во разни апоени. Во село Граиште, во црквата „Св.Маченик Леонтиј“ сторителот, низ незаклучената врата,  влегол внатре и од иконите и масата за продажба на свеќи одзел околу 500 денари во разни апоени. Се преземаат мерки за пронаоѓање на сторителот/ите и за целосно расчистување на случаите.

0 231

Викендов започнува летното сметање на времето така што вечерва во 2 часот часовникот ќе се помести за еден час понапред и ќе биде 3 часот.

Летното сметање на времето ќе заврши на 30 октомври во 3 часот, со поместување за еден час наназад кога започнува зимското сметање на времето.

0 168

Времето денеска ќе биде сончево со мала доумерена облачност, а во попладневните часови ќе има локален дожд, кој повремено ќе биде пороен со ретки грмежи, особено во планинските подрачја. Ќе дува слаб до умерен северен ветер.

Утре времето ќе биде променливо облачно со врнежи од дожд, а кон крајот на денот и во текот на ноќта на планините со повремен снег. Ќе дува и умерен, во западните делови повремено засилен западен ветер. Дневната температура ќе се движи од 15 до 22 степени.

И во понеделник ќе има врнежи од дожд и ниски дневни температури од 7 до 13 степени, а од вторник врнежите ќе престанат, а дневните температури ќе се движат во интервал од 10 до 16 степени.

0 90
Во Кинотека “Македонија” синоќа се одржа светската премиера на документарниот филм „Езеро од јаболка“ во Скопје, во режија на Љубо Стефанов и Тамара Котевска.
Филмот зборува за резултатите од долгогодишните напори на Програмата за развој на Обединетите нации и Општината Ресен за намалување на загадувањето на Преспанското Езеро, кои се финансиски поддржани од страна на Швајцарската агенција за развој и соработка.
„После петнаесет години работа и петнаесет милиони долари инвестиција среќни сме што виталните функции на Преспанското Езеро се обновуваат, благодарение на промената на начинот на кој земјоделците ги одгледуваат своите култури, намалувањето на внесот на загадувачки материи од различни извори и подобрувањето на управувањето со ресурсите“, изјави Генералниот потсекретар на Обединетите нации и Администратор на Програмата за развој на
Обединетите нации (УНДП), Хелен Кларк во нејзиниот воведен говор.
Последните истражувања покажуваат дека најголемиот дел на земјоделците во Преспа имаат усвоено модерни производни практики, како што се фертиригацијата, методи за контрола на употребата на пестициди и подобрување на карактеристиките на почвата со примена на органски ѓубрива. Како резултат на тоа значително е намалена употребата на пестициди, вештачки ѓубрива и вода за наводнување.
Изградени се нови канализациони системи и пречистителни станици, со што огромни количини на отпадни води што претходно завршуваа во езерото сега добиваат соодветен третман. Илјадници тони на отпадно јаболко и други типови на органски отпад, кои, во отсуство на други алтернативи, исто така завршуваа во водните тела, сега се трансформираат во висококвалитетен компост – со помош на постројката за компостирање.
Ова намалување на внесот на загадувачки материи во езерото, овозможи да се спречи деценискиот тренд на нарушување на неговата еколошка состојба и да отпочне процесот на негово обновување, што се потврдува со редовните контроли на квалитетот на водите.
Secured By miniOrange