Authors Објавено одБашуровски Стево

Башуровски Стево

7822 Постови 0 Коментари

0 108

Градоначалникот на Дебар, Ружди Лата во интервју за ТВ АРТ рече дека крвта и душата на Албанците им е во Тирана и дека Дебар станува населба на Тирана.

-Единствена надеж за иднината на Дебар е патот на Арбер, ама не заборавајте кога ќе се изгади патот на Арбер, ние ќе заборавиме на другите, крвта и душата ни се во Тирана. Ние имаме во Тирана многу луѓе, само еден податок ќе ви спомнам, во Тирана има 150 доктори на науки само од Дебар и Дебар полека станува населба на Тирана. Нашиот сон верувам полека се реализира и од причина што на инстиктивен начин, кога управуваме едно возило секогаш раката оди десно, накај Тирана накај Албанија, тоа ни е носталгија што ја имаме во душата, во чувствата, во убедувањата свеста итн, изјави Лата.

„ВМРО-ДПМНЕ најостро ја осудува изјавата на градоначалникот на Дебар, Ружди Лата, која го уништува духот на соживотот и длабоко го поткопува темелот на државноста и уставното уредување.

Ваквите националистички и ретроградни изјави кои зачестија во последниот период се предизвикани директно од антидржавното делување на криминалецот Зоран Заев, неговите антидржавни ветувања во Берн и прифаќање целосно да ја реализира Тиранската Платформа.

Покрај Лата, вакви антидржавни изјави се изнаслушавме и од Зијадин Села, коалициониот партнер на Заев, од кого зависи мнозинството на СДС во Парламентот, Еди Рама,  Хашим Тачи, Дитмир Бушати и Месила Дода и ниту една изјава не беше осудена од страна СДС.

Зоран Заев и СДС се главен поттикнувач на „Големо Албанските“ апетити во Македонија и во регионот. Заев ги разбуди духовите на минатото и шовинистичките и иредентистички намери на одредени кругови во регионот“ стои во реакцијата на ВМРО ДПМНЕ.

„Ја осудуваме провокативната реторика во изјавата на градоначалникот на општина Дебар Ружди Лата, која не е во духот на заедништвото, интеграцијата и меѓусебното почитување на граѓаните.

Избраните и именуваните функционери мора да бидат свесни за одговорноста што ја имаат пред Уставот, законите и граѓаните на Република Македонија. И Лата, како и сите други носители на државни функции мора да работат единствено во интерес на граѓаните и секоја изјава, секој искажан збор и секое направено дело мора да биде исклучиво во интерес на граѓаните, што не е случај со последната изјава на Лата.

Ваквите јавни настапи одат во прилог само на оние кои креираат поделби и работат на поттикнување раздор и нетрпеливост, спротивно на европските вредности и демократските стандарди за коишто се заложуваме“ реагираа од СДСМ.

0 120

Денеска времето ќе биде променливо облачно, попладне во северните делови од земјата ќе има краткотраен слаб дожд, а на планините слаб снег. Ќе дува умерен, а вдолж Повардарието и во Пелагонија повремено засилен ветер.

Максималните дневни температури ќе бидат во Скопје 17 Целзиусови степени, Маврово 8, Охрид 14, Битола 16, Кавдарци 18, Крива Паланка 13, Берово 12, Дојран 20…

Од утре, под влијание на јужно воздушно струење ќе преовладува стабилно, суво и топло време со пораст на утринската и дневната температура – утре од 14 до 21, во вторниок од 15 до 22 и во среда од 17 до 24 степени.

0 426

Принцезата од Тајланд, Маха Чакри Сириндорн, на покана на сопругата на претседателот на Република Македонија, Маја Иванова, престојува во дводневна посета на Македонија.

Како што се наведува во соопштението од Кабинетот на Претседателот, за време на дводневниот престој тајландската принцеза ги посетила и разгледала дел од значајните културно – историски знаменитости во Македонија и се запознала со богатата македонска култура, историја и традиција.

На средбата, принцезата Маха Чакри и сопругата на претседателот Маја Иванова разменле мислења и идеи за соработка во областите и активностите кои споделуваат заеднички вредности во агендите на двете дами.

Иванова, како што се вели во соопштението, информирала за проектите во кои е таа вклучена и ги поддржува во Република Македонија и во тој контекст се осврнала на иницијативите кои се оддржуваат под нејзино покровителство, а се однесуваат на жените и децата, пред се на активностите поврзани со децата со посебни потреби и детската исхрана.

Тајландската принцеза изразила благодарност за гостопримството во Македонија, како и подготвеност за иницирање на натамошни заеднички активности, преку размена на искуства и знаења.

За време на престојот во Скопје, Иванова и принцезата Маха Чакри го посетија манастирот „Св. Пантелејмон“ и комплексот Македонско Село во Нерези. Таа ги посети и Археолошкиот музеј, црквата „Св. Спас“, Милениумскиот крст на Водно, Шарената џамија во Тетово, Кањонот Матка, Пештерата Врело, а прошета и низ Старата скопска чаршија и Плоштадот Македонија.

Во рамки на посетата, тајландската принцеза доби награда за животно дело од страна на Фондацијата „Алијанса на цивилизациите“ – Скопје.

Принцезата Маха Чакри Сириндорн е трето дете на поранешниот крал Бумибол Адулиадеј и кралицата Сирикит од Тајланд. Таа е сестра на актуелниот крал Маха Вајиралнгкорн. Тајландската принцеза е специјален амбасадор на ОН за Светската програма за храна и амбасадор на добрата волја на УНЕСКО за еманципирање на децата од малцинските заедници преку образование и заштита на нивното нематеријално културно наследство.

0 337

Ние сме декларирани како транзитна земја, ние не примаме бегалци како Германија или Шведска, затоа што на крајот на краиштата нивна цел е да стигнат до Германија. Сепак, спремни сме и да има нов бегалски бран, вели директорот на Центарот за управување со кризи, Агрон Буџаку, во неделното интервју на Радио Слободна Европа.

Господине Буџаку, изминатиов период бевме сведоци на неколку поголеми пожари низ Македонија, иако температурите не беа многу високи. Со оглед на тоа што допрва доаѓа летото, се зголемува опасноста од појава на нови пожари. Дали Центарот за управување со кризи има капацитет да се соочи со такви предизвици?

Како ЦУК имаме одредена значајна улога во системот на превенција и рано предупредување. Што се однесува до пожарите, тие или се предизвикани од човечкиот фактор или од природни непогоди. Во овој случај се работи за еден период во кој имавме сушен период или сува трева, а луѓето кај нас, традиционално ова време, при подготовките за нови насади, а имајќи ја предвид нашата ниска свест, се палат посевите од минатата година и тоа предизвикува пожари. Нашиот систем, на Центарот за управување со кризи, е да ги спречи, да ги предупреди сите значајни актери во ова. За ова имавме голема помош од системот, кој е веб базиран, во кој имаат пристап и граѓаните коишто ги лоцираат сите места каде што може да дојде до пожар и моменталните услови што се однесува до климата, количината на врнежи итн, што влијае на опасноста од самите пожари и опасноста од избивање пожари. Тој систем кај нас е воспоставен од 2011 до 2014 година, со поддршка на Јапонската агенција за меѓународна помош. Ние неодамна имавме и работилница со земјите од регионот, каде што на колегите од неколку земји од регионот им ги пренесовме нашите знаења. Мислам дека што се однесува до нашето системско уредување, сме отишле напред, само треба повеќе да работиме и тука ги повикувам и медиумите и за подигнување на свеста на граѓаните, особено сега, кога сме на прагот на летото, кога секоја година неминовно имаме пожари.

Каква е координацијата со другите институции кога се случуваат такви природни непогоди? Ве прашувам и за соработка со владата и за соработка со локалната самоуправа, која е особено важна кога ќе се случат таквите пожари. Очекувате ли да се јават некакви проблеми со оглед на тоа што одложувањето на локалните избори е извесно, па со тоа и мандатот на градоначалниците веројатно ќе истече. Дали очекувате тука да има некакви проблеми во однос на заедничката соработка?

Ние имаме мандат, според закон, да координираме со сите активности и со сите институции на системот, таканаречен Систем за управување со кризи со цел заштита на здравјето, имотот и добробитта на граѓаните. Јас при крај на октомври минатата година повторно станав директор на Центарот и бев прилично разочаран од еволуцијата на центарот, кој јас сметам дека е многу значајно тело, кое ги координира сите актери на централно и на локално ниво за справување со кризи и заштита на здравјето и добробитта на граѓаните. Верувале или не, кога во 2005 година бев директор, буџетот беше 170 милиони денари, а сега е 140 милиони денари. Тоа, со инфлацијата, е половина буџет, а 90 отсто од тоа оди на плати. Ние практично имаме многу важна задача, но системот или владата во овие години не финансираат доволно. Што се однесува до локалните власти, веќе имаме воспоставено такви односи во овие 12 години, какви што треба да имаме. Јас давам пример со Белгија, каде што година и половина немаше влада, а се функционираше, зашто тоа е правна држава, додека тука за жал се зависи од политиката и сите очи се вперени во политичарите. Сепак оваа институција функционира и јас се обидов што помалку да има влијание на министрите, на владата во нешто што е наша надлежност, затоа што секој дуализам само ја комплицира ситуацијата, а во ваква институција тоа е многу опасна работа и може само да ја усложни ситуацијата во случај на елементарна непогода.

Господине Буџаку, Европа стравува од нов бегалско-мигрантски бран. Тоа подразбира дека и Македонија повторно ќе биде вовлечена, тука се јавуваат стравувања дека и ние повторно ќе се соочиме со таков бран. Дали овој пат, со оглед на искуството што го имавме претходно, сме поподготвени да одговориме на еден таков предизвик?

Ние имаме координација, како што реков, главниот штаб со Табановце и Гевгелија, со транзитните кампови. Ние сме декларирани како транзитна земја, ние не примаме бегалци како Германија или Шведска, затоа што на крајот на краиштата нивна цел е да стигнат до Германија, но во овој случај, проблемите што може да настанат, може да настанат од наплив на голем број луѓе, може да се смета и како безбедносен проблем здравствен систем, луѓе може да се разболат, имаат друг имунолошки систем, може за жал да се инфилтрираат, и таа опасност ја имаме предвид, разни терористи или организации. Така што, ние сме спремни и со помош на меѓународната заедница, пред сè ОН, УНДП, УНХЦР и со големо залагање, што е за секоја пофалба, од невладините организации што се присутни и им помагаат на бегалците. Ние се справивме, се справуваме и се надевам дека и во иднина ќе се справиме и во случај на помасовен егзодус на бегалците.

SOCIAL

16,108FansLike
939FollowersFollow
0SubscribersSubscribe
Secured By miniOrange