Latest news
Authors Објавено одВесна Шеровска

Весна Шеровска

1582 Постови 0 Коментари

0 523

Вакцините за бе- се- же пристигнаа, од понеделник ќе започне вакцинацијата, ова е ставот на Министерството за здравство. Во болница Плодност немале недостаток од оваа вакцина. Она за што најмногу се грижат родителите, дали нивното новороденче ќе биде вакцинирано навреме. Се поставува прашањето, зошто оваа вакцина се става кај новороденчињата и колкав може да биде рокот за нејзино пролонгирање? Побаравме одговор од Д-р Маргарита Камбовска, специјалист педијатар во Болница Плодност

-Бебенцето веднаш по раѓањето , односно до исписот од болница, препораките се да прими прва доза на бе- се- же вакцина. Доколку поради одредени причини бебенцето се наоѓа во загрозена здравствена состојба има боледување, неонатологот поставува проценка за да се одложи таа вакцина. Добро е во првите два месеци, онаму каде што е пролонгирана вакцината да ја прими. Доколку не ја прими и во тие два месеци , без проба која што се изведува , да знаеме дали бебето дошло со причинителот на ова сериозно заболување, може да се вакцинира до крајот на првата година. Ако до 12 месеци не се вакцинира ние мора да направиме проба, изјави Д-р Маргарита Камбовска специјалист педијатар

Потребен е подолг временски период за да се види дали е успешна вакцината која што се примила во родилиште, вели др Камбовска

-На систематски преглед кој го прави педијатар кога новороденчето има девет месеци се проценува дали е успешно вакцинирањето, поточно дали на местото каде што се ставила вакцината има лузна или не. Доколку нема лузна, се вакцинира детето по втор пат, ако и по втор пат нема лузна, тогаш по трет пат не се вакцинира, бидејќи неговиот организам не може да изрази целуларен тип на имунолошка реакција, додава Камбовска


Вакцините согласно СЗО се транспортираат и чуваат на температура од 2 до 8 степени и една ампула се вакцинираат повеќе деца.

Да се вакцинираат децата или не, тоа е едно од најтешките прашања што родителите си ги поставуваат.

-Ние сите педијатрите препорачуваме децата да се вакцинираат, вели Д-р Камбовска

Бе- се- же вакцината, е вакцина која што не заштитува во голем процент од туберкулоза. Тоа е сериозно заболување од кое што пред околу половина век имавме голем број на смртни случаи, не само кај нас туку и во целиот свет. Благодарение на вакцината дојде до намалување на бројот на заболени и делумно искоренување на оваа болест.

0 2564

Ако само пред еден месец марулата се продаваше за 25 денари денес на битолскиот пазар достигна рекордна цена од 50 денари. Нејзиното поскапување, како што велат продавачите, се должи на тоа што ја нема во доволни количини на пазарот

-Има поскапување на марулата и на магдоносот. Времето го направи своето, и ја нема доволно на пазарот, вели продавачите

Пазарот во Битола изобилова со овошје и зеленчук, но сепак како што велат трговците слабо се продава. Куповната моќ е мала на граѓаните додаваат тие. Некои пак велат дека продажбата на производите на зелениот пазар е слаба, поради тоа што многу од граѓаните пазареле од маркетите

За купувачите пак цените на производите се стандардни

– Добри се цените, ќе купиме колку што ни дозволува буџетот, вели купувач

На битолскиот пазар спанаќот се продаваше по цена од 60 денари, морковот се продаваше за 40 денари, килограм брокула и карфиол за 130 денари, зелката од 20 до 30 денари за килограм, килограм цвекло можеше да се купи за 30 денари. Ротквицата чинеше 15 денари, а кивче млад кромид се продаваше за 15 денари, килограм краставица чинеше 150 денари , а цената на доматот се движеше од 70 до 90 денари.

0 8018

Роден е во Битола, по потекло е од Новаци каде што живеел до својата 13 годишна возраст, се школувал низ просторите на бивша Југославија а денес живее во Ванкувер, Канада. Како  многу семејство кои што заминале од Македонија трагајќи по подобро утре, такво е и семејтвото на Владо Деспотовски, кое што веќе 22 години живее и работи во Канада. Но не работи некоја секојдневна професија, туку тој е пилот на хеликоптер. Па како започнува неговата приказна.

– Новаци ми е во срцето .Заминав како дете на 13 годишна возраст, средна школа завршив во Белград , потоа академија во Хрватска и Босна потоа работев на просторите од бивша Југославија, па малку во Русија и на крај завршив во Канада. Заминав во Канада пред 22 години . На почетокот живеевме во неколку различни места во близина на околината на Ванкувер а последните 11 години живееме во Ванкувер. На почетокот со сопругата и моите две деца тргнавме да учиме јазик и нови занаети. Се вратив потоа во авијација зедов дозвола за летање и 20 години летам. Мора да се работи за да се живее.

Вели дека хеликоптерите отсекогаш биле негова слабост .Лета до северниот пол и ги раскажува искуствата. Вели дека предизвик е да останува со часови во воздухот, да лета ниско и високо над земјата, и да ужива во живописните глетки.

-Има прекрасни места. Канада е многу голема и има што да се види, додава Деспотовски

Освен што е пилот на хeликоптер Деспотовски работи и како инструктор. Безбедноста му е секогаш на прво место. Поради тоа, кога ќе седне во хеликоптерот ќе се вивне во височините, се  што размислува е како да управува и да ја заврши мисијата која што му е зададена. И секако, безбедно да се врати долу на пистата.

-Во компанијата Хелиџет сум и инструктор, ги обучувам младите како се лета  и тоа е многу интересно. Но исто така летам и хеликоптер за Брза помош. Нашата компанија има склучено договор и со Британската Колумбија и таму работам . Тоа е медицинска служба и обезбедување. Два дена работам таму, три дена летам со хеликоптерот и два дена сум слободен , додава Деспотовски.

Инаку во Ванкувер има околу 400 македоци. Оваа приказна ја направивме со помош на Милован Новески, кој што беше во посета на Ванкувер и таму се сретна и го запозна Владо Деспотовски. Голема благодарност до Новески за дадениот материјал.

0 194

Се ближи 8-ми март денот на жената. Иако ден на жената и по некое правило треба да и се подари, во пракса жените се тие што најмногу подаруваат и купуваат. Така барем велат продавачите на цвеќе во битолскиот пазар.Никој не сакаше да зборува пред камерата на Тера, а зад камерата велат дека продажбата на цвеќе од година во година се намалува. Порано ако сопружниците купувале по 5, 7 и 9 роси сега, како што велат продавачите, купувале само по една роза. Секој велат сака што поевтино да си помине.

Од година во година пак се зголемувала продажбата на каранфил, бидејќи можеле граѓаните да поминат само со дваесет и триесет денари.
На прашањето пак дали кога сопружниците купуваат цвеќе за своите сопруги се консултираат со продавачите  какво цвеќе да купат за својата сакана, и дале го знаат неговото значење, продавачите велат дека никој не се консултирал со нив, бидејќи купувале колку само да го одбележат празникот, и да и посветат барем мало внимание на својата жена.
Без разлика дали  ќе подарите или ќе добиете цвет како осмомартовски подарок, убаво е да ја дознаете симболиката која се крие зад секој вид.

Розата е најчест избор кога се работи за подарување цвеќе. Црвената роза симболизира љубов, романса, убавина и совршенство. Овој цвет може да биде доста скап, ако се знае дека цвеќарниците со месеци ги чуваат пупките на розите затворени, сè со цел да расцутат точно за 8 март.
Герберот ја симболизира убавината, невиноста и чистотата. Овој цвет може да се најде во повеќе бои, кои заедно во комбинација означуваат поттик и енергичност.

Лалињата означуваат совршена љубов. Овој елегантен и лесно препознатлив цвет е еден од најпопуларните, покрај розата, и најчесто се поврзува со Холандија, каде што за прв пат процветал во 17-от век. Со подарување на овој класичен цвет, пренесувате топлина и чувство на удобност.

Белиот крин означува убавина, класа и стил. Овој ориентален цвет е познат како доста скап и драматичен. Личноста која подарува бел крин е софистицирана и одлично ја познава личноста за која е наменет цветот.

Орхидејата е позната како редок цвет и е симбол за љубовта, убавината, луксузот и силата. Плус, со подарувањето орхидеја испраќате порака дека имате несекојдневен стил на заведување. Личноста која подарува една орхидеја има подив темперамент од личноста која подарува цел букет рози.
Каранфил
Каранфилот означува нова љубов и фасцинантност. Букет од каранфили означува срдечност. И каранфилите се чест избор за подарување цвеќе, посебно заради тоа што нивната цена е прифатлива.

Меѓународен ден на жената 8 ми март е светски празник што се одбележува  секоја година . Тоа е ден кога се одбележува борбата на жените за економска, политичка и социјална рамноправност со мажите.

SOCIAL

16,108FansLike
929FollowersFollow
0SubscribersSubscribe