Балканската рута е фактички затворена

0
393

Бегалската рута од Турција во насока на северозападна Европа е фактички затворена. Од ноќеска на полноќ Словенија веќе не прoпушта бегалци. Како реакција на тоа, исти постапки најавија и Хрватска, Македонија и Србија.

Словенија од ноќеска на полноќ почна со примена на нови правила. Влез е дозволен само на лица кои имаат важечка виза или оние кои директно бараат азил во Словенија. „Итно е неопходно повторно да се применуваат целосно правилата на Шенген“, изјави премиерот Миро Церар. „Исто толку е важно е и што донесовме заклучок дека Балканската рута за илегална миграција веќе ја нема.“

Словенија со тоа предизвика реакција на сврзани садови. Хрватска, Србија и Македонија веднаш најавија дека на нивните граници ќе се постапува на ист начин. Секоја од земјите стравува дека ако тоа не го стори може да стане тампон зона за бегалците кои не можат да го продолжат својот пат.