Барса го освои Суперкупот на Шпанија

0
360

Фудбалерите на Барселона со титула во Суперкупот на Шпанија ја отворија новата натпреварувачка сезона. Барселона во двомечот ја совлада Севилја со вкупни 5-0, на првиот меч во Андалузија беше 2-0, а во реваншот на „Ноу Камп“ 3-0.

Реваншот пред домашната публика Барселона го отвори со голот на Арда Туран по само 10 минути игра. Потоа Севилја по половина час игра не реализира пенал, односно Браво го одбрани ударот на Ибора, а во самиот финиш на првиот дел Меркадо ја погоди гредата.

Арда Туран го удвои водството на Барселона на почетокот на 47.минута, а конечниот резултат го постави Меси во 56.минута.

Барселона мечот го заврши со десетмина, бидејќи Маскерано на десет минути до крајот поради повреда излезе од игра во ситуација кога Луис Енрике ги изврши сите три замени.

Новата првенствена сезона во Шпанија започнува в петок со натпреварот Малага-Осасуна, а Барселона одбраната на титулата ќе ја започне в сабота против Бетис.