Битолчанец игра во американска хит серија

0
3975

Битолскиот актер Крис Петровски глуми во серијата „Госпоѓа државен секретар“ која ја режира и продуцира холивудската ѕвезда Морган Фриман. Покрај Крис, во серијата играат и Теа Леони, Тим Дејли, Жељко Иванек и Кит Карадин. Серијата ќе почне да ја емитува четвртата сезона на 8 октомври на една од најголемите телевизиски куќи во Америка, Си-би-ес.
26-годишниот актер, по потекло од Битола, неколку години живее во Америка и си го пробива патот во филмскиот свет. Во Македонија живеел до својата 5та година, потоа се преселил во Нов Зеланд. Па повторно се вратил на 9 години . Следниот пат дошол било на на 15-годишна возраст и уште неколку пати потоа, последен пат кога бил во Македонија било пред пред 3 години.

По дипломирањето на престижната актерската школа „Стела Адлер“ во Лос Анџелес, се сели во Њујорк за да го глуми ликот на рускиот шпион Дмитри Петров уште во првата сезона на серијата.

Крис раскажува за репортер.мк дека е возбуден што повторно работи со големи актерски имиња, меѓу кои и Морган Фриман, кој и оваа сезона е режисер на неколку епизоди од серијата.

„Благослов е да се работи со овие луѓе. Би сакал да можам да споделам што ќе се случува сезонава, но ќе мора да почекате до 8 октомври“, вели Крис.
Ликот на рускиот шпион Петров кој го глуми во серијата е сосема спротивен од Крис како личност.Тој вели дека е задоволен е со тоа што го работи во моментов и од правецот во кој се движи неговата кариера.

„Одам на аудиции, напредувам, добивам улоги. Единствен страв ми е дека еден ден би требало да заработувам од некоја здодевна, некреативна работа. Се надевам дека тоа нема да ми се случи никогаш“, додава популарниот актер.

Без коментари