Британската полиција спречила два терористички напада

0
310

Антитерористичките единици на британската полиција објавија во петокот дека ден претходно спречиле терористички чин во текот на рацијата во дом во северен Лондон кога е застрелена една жена, што била втората голема безбедносна операција во британската престолнина во итнервал од неколку часа.

Во четвртокот вечерта вооружените припадници на антитерористичката единица со помош на солзавец влегле во куќа во округот Вилесден која била под полициски надзор, ранувајќи притоа жена во дваесеттите години, која е во тешка но стабилна состојба во болница.

Високиот државен координатор за антитерористичката полиција Нил Басу истакнал дека британската полиција со оваа акција спречила „терористички напад во настанување“. Открил и дека во таа операција се уапсени вкупно шест лица од кои петмина биле во куќата, додека една жена е уапсена во грофовијата Кент на југоистокот од Англија.