Дачиќ: Албанија поднесе барање за прием на Косово во УНЕСКО

0
266

Српскиот министер за надворешни работи Ивица Дачиќ изјави дека Албанија поднела официјално барање до Извршниот совет на УНЕСКО, на седницата во октомври, на дневен ред да го стави и барањето на Косово за членство во таа организација.

Покрај Албанија, барањето го поддржале, како што рече Дачиќ, уште 44 земји членки на УНЕСКО од вкупно 195, но и дека тоа не мора да значи дека барањето ќе биде ставено на дневен ред.

Српскиот министер оцени дека ќе се води тешка битка против приемот на Косово во УНЕСКО. Според неговите зборови, во самиот Извршен совет од 58 членки, на барањето му се придружиле 18, или заедно со Албанија 19 членки.

– Значи ќе се види тешка битка. Ние за таа борба сме подготвени. Мислам дека сите причини се да бидеме против и да се донесе една таква одлука е апсолутно на наша страна, изјави тој за РТС.

Дачиќ потенцираше дека формално-правно Косово нема право да биде членка на УНЕСКО, бидејќи Обединетите нации не дале таков предлог, дополнувајќи дека тие одбиле да го поддржат таквиот предлог на Косово.

– Суштински, Косово не ги исполнува сите предуслови да може да стане членка на УНЕСКО затоа што објектите кои се под светска културна заштита, под заштита на УНЕСКО во Косово, се прогласени дека се во опасност и тоа токму од оние кои сакаат да бидат членови на УНЕСКО, појасни Дачиќ.

Без коментари

LEAVE A REPLY