Ден на жалост во Косово за тројцата Албанци загинати во нападот во Минхен

0
677
Косовскиот претседател, Хашим Тачи, утрешниот ден 24 јули, го прогласи за Ден на жалост во земјата, во спомен на тројцата млади Косовци кои беа убиени во нападот во Минхен.
„Одлучив утрешниот ден да го прогласам за Ден на жалост, во знак на спомен на жртвите по потекло од Косово, во тероритичкиот напад во Минхен. Овој чин на насилство ги погоди нашите срца и цела Европа. На семејствата на убиените им искажувам длабоко сочувство. Јас и народот на Косово се поклонуваме пред нив. Тие се херои на борбата за заедничките слободи и вредности во Европа“,пишува Тачи на неговиот профил на фејсбук.
Утре на целата териорија на Косово знамињата ќе бидат ставени на половинаа копје.
Во нападот во Минхен, како што објавија медиумите во Приштина, убиени се и три млади луѓе од Косово: Дијамант Заберѓа (21), Сабина Суљај и нејзината другарка, Армела Сегаши, на возраст од 14 години.