Ден на жалост во Македонија по невремето кое зеде 21 жртва

0
413

Денеска е ден на жалост во Македонија за загинатите од невремето во скопскиот регион.

Последната информација од Министерството за внатрешни работи вчера беше дека од  пронајдените 21 лице, 20 се идентификувани и предадени на семејствата, а една жртва не беше идентификувана. Загинатите се во реонот на приградските населби Сингелиќ, Стајковци, Црешево и обиколницата кај Смилковци.

На вчерашната вонредна седница, Владата донесе одлука на семејствата со загинати да им додели еднократна парична помош од 300.000 денари, а претходно такви одлуки донесоа Градот Скопје за 180.000 денари и општина Гази Баба за 100.000 денари.

На истата седница, прогласена беше и кризна состојба во скопскиот и тетовскиот регион во наредните 15 дена.