Емануел Макрон е избран за претседател на Франција

0
514

Макрон е избран за нов претседател на Франција, по победата на изборите која дојде како олеснување за голем дел од Европа и нејзините сојузници кои стравуваа од уште еден шок откако Британија ја напушти Европската унија.

Про-европскиот центрист Емануел Макрон денеска е избран за претседател на Франција, лесно поразувајќи ја крајно-десничарската националистка Марин Ле Пен во вториот круг од претседателските избори.

Излезните анкети по завршувањето на гласањето покажаа убедлива победа на Макрон. Три проекции покажуваат дека тој добил над 65 проценти од гласовите, додека Ле Пен освои околу 34 отсто.

Изборната трка вчера започна со хакерски напад врз тимот на кампањата на Макрон, на часови до почетокот на гласањето.

Макрон е 39-годишен поранешен министер за економија и банкар кој исто така победи во првиот круг од претседателските избори во Франција на 23 април. Тој водеше про-европска кампања, додека неговата противничка Ле Пен водеше анти-миграциска кампања и сакаше Франција да ја напушти Европската унија и валутата евро.