ЕУ нема да ги прифати изборите ако не бидат демократски

0
417

Разочараност кај европскиот комесар за проширување предизвикаа последните настани во земјава.

Јоханес Хан и денеска ги повика политичките партии да се вратат на преговарачка маса бидејќи ако не се фокусираат на фер избори, изборите и новата влада нема да бидат меѓународно прифатени.

 – Навистина сум разочаран од последните настани. Ние инвестиравме многу во договрот од јуни-јули минатата година за да се донесе земјата назад на евроатланскиот пат. Многу од роковите не беа испочитувани кога требаше, но конечно тоа беше направено. И затоа фактот дека сега изборите на 5 јуни се под тешка ситуација, искрено не знам како ќе изгледа по изборите. Мислам дека можам само да ги повикам сите партии, исто и цивилното општество, но особено политичките партии, да се вратат на преговарачка маса и да останат посветени на евроатланската перспектива на земјата, нагласи еврокомесарот, одговорајќи на прашање од Обединетата македонска дијаспора.

Хан истакнува дека  сите треба да разберат дека демократијата значи да се постигне договор и компромис, а не да се има став на победник и губитник, во спротивно, никогаш нема да бидат успешни.

– Се надевам дека можеме да ја испратиме оваа порака. Членови на Европскиот парламент и јас ќе пробаме да направиме уште еден напор да ги донесеме заедно и да посредуваме. Не можам да ветам ништо, но се надевам дека постепено луѓето во регионот и во некои други делови ќе разберат дека демократијата значи да се постигне договор и компромис, а не да се има став на победник и губитник. Во спротивно, никогаш нема да бидете успешни. Луѓето во регионот заслужуваат подобра иднина, а тоа е единствено можно ако се има јасна европска перспектива.Ова вклучува европско или демократско сфаќање на владеењето на правото. Ова мислам веќе е одговор на опсежното помилување на луѓе од страна на претседателот на државата, потенцира Хан.