Евакуаирани околу 1400 луѓе заради намерно предизвикан пожар

0
307

Намерно предизвикан пожар во областа Валенсија, во источна Шпанија беше причина за евакуација на 1.400 лица од одмаралиштата Хавеа и Бенитачел на медитеранскиот брег.

Триста пожарникари со поддршка на авиони го гаснеа пожарот. Постоењето на неколку огништа, според властите, укажува на тоа дека пожарот е намерно запален.

Туристи синоќа требаше да ги напуштат хотелите на Коста Бланка, северно од Аликанте. Тие беа сместени во две училишта.

Над две илјади пожарникари гасат повеќе шумски пожари, кои беснеат и во Португалија, а кои се разгоруваат поради високите температури.

Најсилниот од нив, кој се уште е активен е на две места, во Суре, на околу 20 километри од Коимбра, каде во гаснењето се вклучени и 315 војници, како и хеликоптери и авиони. Двесте и петнаесет пожарникари се борат со друг шумски пожар во Колемејаш, област во Лејрија, кој претставува закана за куќи и други објекти, според градоначалникот Артур Сантуш.