Германија го смени главниот јавен обвинител во аферата за велепредавство

0
520

Германскиот министер за правосудство Хајко Мас го смени главниот државниот обвинител, Хералд Ранге, по неговите обвиненија за министерот дека врши притисок врз истрагата за велепредавство покрената против двајца новинари на Netzpolitik.org,, објави во вторникот Bild.

„Мојата доверба во водството (на јавното обвинителство) потполно нарушена“, изјави министерот Хајко Мас и рече дека наследникот на 67-годишниот Хералд Ранге, кој заминува во пензија во договор со канцеларката Ангела Меркел, веќе е именуван – обвинителот на Минхен, Петер Франк.

Агенцијата AFP коментира дека во периодот на летната пауза, во Германија единствена тема се двајцата новинари на блогот Netzpolitik.org, кои се предмет на истрага под сомнение дека издавале државни тајни. Целата афера кулминираше во вторникот вечерта со смената на државниот обвинител кој беше задолжен за истрагата.

Претходно во вторникот обвинителот Хералд Ранге на прес-конференција во Карлсруе, го обвини министерството за мешање во истрагата и притисок да се запре со истрагата што ја покрена против двајцата блогери и да се одбие барањето за на Федералната служба за заштита на уставот (BND – германското разузнавање) во однос на онлајн ресурсот Netzpolitik.org за велепредавство. Ранге изјави дека таквите активности на министерот за правда Мас ги карактеризира како притисок врз истрагата.

„Мешањето во внатрешната истрага со претпоставка дека резултатите би можеле да бидат несоодветни е недозволиво мешање во независноста на правосудството“, изјави Ранге.

Минатата седмица новинарите биле известени дека се под истрага, бидејќи објавиле делови од документи добиени од анонимен извор кои покажуваат дека домашната разузнавачка служба имала намера да го зајакне надзорот врз онлајн медиумите и притоа започнала истрага за новинарите на Netzpolitik.org од страна на државното обвинителство во врска со одавање државни тајни. Според Ранге, резултатите од независната експертиза покажуваат дека е извршено кривично дело.

Германската владејачка коалиција минатата седмица се дистанцираше од обвиненијата против новинарите блогери, а министерот за правосудство изјави дека мисли дека активностите на новинарите не претставуваат велепредавство.

Претставничката на ОБСЕ за слобода на медиумите, Дуња Мијатовиќ, во вторникот апелираше до германските власти да ја прекинат истрагата против новинарите, затоа што оцени дека е во спротивноста со слободата на протокот на информациите и слободата на медиумите. Претходно бројни германски новинари и политичари изразија сериозни критики за отпочнувањето на истрагата против соработниците на Netzpolitik.org од страна на јавниот обвинител. Околу 1.300 луѓе се собраа во саботата на демонстрации во центарот на Берлин за поддршка на слободата на говорот и против истрагата на новинарите на интернет порталот.

Порталот Netzpolitik.org е основан 2002 година, и опстојува од донации и приходи од реклами. Во 2005 година беше награден со признанието на меѓунaродната организација за заштита на човековите права Репортери без граници (RSF)./крај/мф/сн

Без коментари

LEAVE A REPLY