Глечерите незапирливо се топат

0
1110

Екипата која е задолжена да ги следи глечерите на светско ниво со седиште во Цирих, по собирањето на податоците на теренот, користењето на сателитски снимки и споредувајќи ги со постарите резултати, покажува дека глечерите се топат просечно од 50 сантиметри до еден метар годишно, што претставува два до три пати повеќе во споредба со проучените резултати забележани во 20-от век.

Студијата се однесува на стотина глечери во светот, но од сателитските снимки се гледа дека феноменто се однесува на речиси сите глечери, вели директорот на светската служба за следење на глечерите Мишел Земп.

Резултатот од ова испитување доведува до заклучокот дека ритмот на топењето на глечерите во последните дваесет години го промени нивното функционирање, односно тие ќе продолжат и понатаму да се топат, па и во случај ако климата стане постудена.

Обвивката од „вечниот мраз“ која е се помалку раширена и потенка, нема доволно подлога за да ја зачува ниската температура и со тоа глечерите се осудени да се топат со забрзан ритам.

Рекородот на топењето на глечерите кој беше забележан во 1998 година, беше надминат во 2003м 2006 и 2013 година и најверојатно и во 2014.