Идентификуван еден од напаѓачите во Сент Етјен ду Рувре

0
218

Француските власти идентификуваа еден од двајцата терористи што вчера упаднаа во црквата во Сент Етјен ду Рувре и го убија свештеникот Жак Амел. Станува збор за 19-годишниот Кермиш Адел од Монт Сант Ењан, кој немал криминално досие, но ѝ бил познат на полицијата по двата неуспешни обиди да замине во Сирија.

– Сè уште е во тек идентификацијата на вториот напаѓач, кого специјалните полициски сили, исто така, го застрелаа – соопшти јавниот обвинител Франсоа Молан.

Француските медиуми јавуваат дека вториот напаѓач е малолетник, роден во Алжир и е помлад брат на едно лице по кого има распишано меѓународна потерница.

Одговорноста за нападот, во кој повреден беше и еден верник, ја презеде екстремистичката организација Исламска држава.