Ирачките сили на пет километри од Мосул

0
299

Ирачките безбедносни сили напредуваа во офанзивата врз Мосул и синоќа стигнаа на пет километри од градот, кој е последно големо упориште на Исламска држава во Ирак.

– Постојат знаци на бунт против ИД во самиот Мосул, изјави вршителот на должност министер за внатрешни работи во Владата на курдскиот регион во Ирак, Карим Синџари.

Но, тој додаде дека не очекува битката наскоро да биде завршена.

– Верувам дека ИД има од 4.000 до 8.000 борци кои жестоко ќе се борат, бидејќи Мосул има силно симболичко значење за тврдокорните сунитски џихадисти, посочи Синџари.