Иванов за бегалската криза

0
379

На традиционалниот годишен прием за дипломатскиот кор во земјава, претседателот Иванов потсети и на актуелните состојби поврзани со мигрантите и бегалците кои минуваат низ Република Македонија.

– Зад нас оставаме година на важни крстосници и храбри одлуки. Година кога низ Република Македонија минаа стотици илјади бездомни мигранти и бегалци. Година во која мирот и соживотот беа мета на насилни екстремисти и терористи. Во услови на досега незапаметен сплет на политички и безбедносни предизвици, одлучно се соочивме со речиси се’ што ни донесе годината. Самоуверено и одлучно се справувавмесо предизвиците. Како држава, изненадивме многумина кои не очекуваа територијално мала држава како Македонија да биде толку отпорна и цврста пред заканите. Ја стекнавме довербата и почитта на нашите сојузници кои во Македонија почнуваат да гледаат се’ по значаен партнер, партнер на кој може да сметаат, посочи Иванов.