„Кориере дела Сера“: ИД има ценовник за трговија со киднапирани деца

0
843

Џихадистичката група Исламска дражава (ИД) има изработено ценовник по кој се продаваат киднапирани деца и тинејџери, објави италијанскиот весник „Кориере дела Сера“

Весникот се повикува на изјава на специјалниот претставник на генералниот секретар на ОН, Бан Ки-мун за прашања поврзани со сексуалното насилство, Зејнаб Бангура, кој во текот на април го посети Ирак за да прибере докази за злосторствата на ИД и за условите во кои се наоѓаат жените и децата киднапирани од џихадистите.

Според ценовникот на ИД, девојче на возраст од една до девет години се продава за цена од 165 долари, додека тинејџерките „вредат“ по 124 долари.

Бангура, кој е поранешен министер за надворешни работи на Сиера Леоне, тврди дека тој ценовник го видел за време на посетата на Ирак.

Според него, џихадистите ги препродавале кидапираните девојчиња по пет до шест пати, а имало и случаи кога се барало од нивните семејства да си ги откупат своите деца.