Македонија поразена во доигрувањето во Скадар

0
243
Albania's players celebrate after scoring a goal during the World Cup 2018 qualifier football match Albania vs Macedonia in Loro Borici stadium in the city of Shkoder on September 5, 2016.   / AFP / GENT SHKULLAKU (Photo credit should read GENT SHKULLAKU/AFP/Getty Images)

Македонија не успеа да освои бод во Скадар, во првиот квалификациски меч за пласман на Светското првенство во Русија. Албанците триумфираа со голот на Балај постигнат на почетокот на 89.минута.

Натпреварот кој започна во понеделникот, а кој поради силно невреме беше прекинат во 76.минута, се доигра денеска, но македонските фудбалери немаа среќа да се вратат дома со освоен бод.

Како и до прекинот, Албанците не ипресионираа, Македонија имаше контрола врз играта, но лошата реакција на одбраната му овозможи на Балај да постигне гол.

Џака изведе слободен удар од левата страна, топката ја прелета целата одбрана, а Балај од пет метри само малку ја допре и ја погоди мрежата.

Две минути подоцна Македонија имаше шанса да израмни, по акцијата на Петровиќ и Спировски, десниот бек го проигра Ибраими, но неговиот удар заврши директно во Бериша.

Квалификациите за пласман на СП продолжуваат во октомври кога Македонија ќе одигра две средби во Скопје, против Израел (6.октомври) и Италија (9.октомври).