Македонците се почесто летаат со авион

0
471

Македонските граѓани се почесто се одлучуваат да летаат со авион.

За тоа сведочат податоците кои покажуваат раст на бројот на превезени патници преку авиосообраќајот.

Само во првото полугодие од годинава преку двата македонски аеродроми се превезени 808. 888 патници што значи 27 отсто повеќе од истиот период лани.

Преку скопскиот  аеродром „Александар Велики“ во првиот шест месеци од 2016 летале 759.244 патници. Процентуално тоа значи раст од над 24 отсто.

Охридскиот  „Свети Апостол Павле“ пак услужил 49.644 патници или 82 проценти повеќе од истиот период лани.

За владиниот портпарол Александар Ѓорѓиев растот на бројот на патници е добар момент од општествен и од економски аспекти. број патници е добар момент од општествен и од економски аспекти.

„Тоа е резултат на добро осмислена и реализирана владина стратегија која првенствено се огледа преку изградбата на аеродромската инфраструктура, концесионирањето на македонските аеродроми и стопанисувањето со истите од страна на квалитетен субјект кој има длабок бекграунд во областа во која работи. Секако и на субвенциите кои ги даваме за реализација на евтините авиолетови дп 23 европски дестинации кои обезбедуваат мобилност за македонските граѓани и прилив на гости од страна во Македонија“, рече тој.

Ѓорѓиев ги спомена и субвенциите за  привлекување на странски туристи, а го спомена и петгодишниот договор со компанијата Визер за реализација на евтините авиолинии.

Како дестинации каде Македонците најчесто патуваат се издвојуваат : Цирих, Базел, Лондон, Истанбул и Малме.