Намалена казната на Марија Шарапова

0
336

Арбитражниот спортски суд во Лозана делумно ја прифати жалбата на руската тенисерка Марија Шарапова и ја намали суспензијата од две години на 15 месеци.

Меѓународната тениска федерација ја казни Шарапова бидејќи беше позитивна на мелдониум на допинг контролата за време на Отвореното првенство на Австралија во Мелбурн.

Во образложението на одлуката, Судот наведува дека „Шарапова сноси дел од одговорноста“ за користење на лекот за срце, кој официјално беше забранет на 1 јануари оваа година, заради што суспензијата не можеше да биде укината, туку само намалена.

По денешната одлука, Шарапова ќе може да се врати на тениските терени на 26 април следната година.