Навреди меѓу претседателот Трамп и сенаторот Коркер

0
186

Републиканскиот сенатор Боб Коркер, кој претседава со Комитетот за надворешни работи на Сенатот на САД предупреди дека претседателот Доналд Трамп може да предизвика Трета Светска Војна.

– Трамп ја води земјата како да е реалити шоу. Неговата реторика може да ја насочи Америка кон Трета Светска Војна. Загрижен сум. Секој што се грижи за нашата земја би требало да биде загрижен, изјави Коркер во интервју за весникот „Њујорк тајмс“.

Иако доаѓаат од иста партија, Коркер е против политиките на Трамп и неодамна најави дека нема да се кандидира на изборите во 2018 година за нов мандат како сенатор од државата Тенеси поради несогласување со сегашниот републикански курс.

Трамп возврати преку Твитер, велејќи дека Коркер неодамна барал поддршка од Трамп за трката во Тенеси, но бил одбиен. Трамп воедно го обвини Коркер за одобрување на нуклеарниот договор со Иран, за кој сегашната Бела куќа најавува дека ќе биде раскинат.

 

http://novamakedonija.com.mk

Без коментари