Нема притвор за Груевски, Јанакиески и Јанкулоска, ќе им бидат одземени пасошите

0
764
„Постапувајќи по предлог на Јавното обвинителство за гонење кривични дела поврзани и кои произлегуваат од незаконското следење на комуникациите ( СЈО ) за определување мерки за обезбедување присиство и мерки за претпазливост со НСК – КО. Бр. 1/15, поврзан со предметот во јавноста познат како „Титаник“, поднесен на 30.06.2017 година, Кривичниот совет при Основниот суд Скопје 1 – Скопје, по разгледување на предлозите како и ценење на фактите и доказите приложени во истите, донесе решенија со кои :

Предлогот за определување мерка притвор против Н.Г., М.П.,К.Б., М.Ј. и Г.Ј. се одбива како неоснован, а по повод предлогот по службена должност им се определуваат мерки за претпазливост – Обврска обвинетиот да се јавува кај надлежно службено лице во суд еднаш неделно, Привремено одземање на патна исправа и забрана за издавање нова и Приврмено одземање на дипломатска патна исправа.

Предлогот за определување мерки за претпазливост против К.М.,Л.Р.,Р.Д.,Џ.А.,М.Н.,Д.Д., Е.Т., М.П., К.Т.,К.В., С.К., Д.А., Л.Р., Г.Ј., Б.Б.Б. и И.Д., се уважуваат и им се определуваат мерки за претпазливост – Обврска обвинетиот еднаш неделно да се јавуа кај надлежно службено лице во судот,  Привремено одземање на патна исправа и забрана за издавање нова и Привремено одземање на дипломатска исправа за К.Т., К.В., Б.Б.Б. и И.Д.

Против овие решенија дозволено е право на жалба во рок од 3 дена до Апелациониот суд.

Од страна на СЈО во текот на 29.06.2017 година и вечерта на 30.06.2017 година до Основниот суд Скопје 1 – Скопје – одел Кривично полнолетни беа доставени вкупно 6 обвинителни акта од кои за 5 беа доставени предлози за определување мерки за обезбедување присуство и мерки претпазливост против 13 лица, додека во одделението за Организиран криминал и корупција беа доставени вкупно 11 обвинтелни акта од кои за 10  беа доставени предлози за определување мерки за обезбедување присуство и мерки претпазливост против 54 лица. Сите обвинителни акта согласно електронскиот систем за водење на предмети се распоредени на оценка кај судии, и сите предлози, веднаш по приемот беа распоредени на одлучување кај надлежните кривични совети. Во текот на викендот, покрај судиите во кривичните совети беа ангажирани и дополнителни службнеици и доставувачи од судот, и сите предлози беа одлучени во законски утврдениот рок, а по писмента изработка на решенијата истите беа доставени до странките и за донесените одлуки јавноста беше информирана“ соопштија од Кривичниот суд.