Облачно, врнежливо и свежо време за престојниот продолжен викенд

0
378

Облачно, врнежливо и свежо време не очекува за престојниот продолжен викенд. Како што најавуваат од УХМР, денес нашето подрачје е под влијание на влажна и нестабилна воздушна маса од Медитеранот која претпладнево условува претежно облачно време со слаб локален дожд.

Во текот на денот врнежите ќе се прошират насекаде, локално ќе се интензивираат и ќе бидат проследени со ретки грмежи. Пообилни врнежи ќе има во вечерните и ноќните часови кога на места ќе наврнат над 30л/м2, особено во јужните и источните делови.

Облачно, врнежливо и свежо време не очекува и во текот на утрешниот ден. Утре ќе се задржи претежно облачно време со повремени локални врнежи од дожд и умерен југоисточен ветер. Во петок ќе биде променливо со слаб локален дожд.

Нов влажен бран со обилни врнежи од дожд ќе има во сабота кога локално се очекуваат околу 50л/м2 воден талог, особено во западните и северните делови од земјава.

Без коментари

LEAVE A REPLY