Околу 800 милиони долари на ИСИС уништени во воздушни напади

0
390

Приближно 800 милиони долари на т.н. Исламска држава (IS) се уништени во воздушните напади, изјави претставник на војската на САД.

Генерал-мајор Питер Герстен, стациониран во Багдад, изјави дека американските авиони во неколку наврати бомбардирале објекти каде што се чуваат парите ИСИС.

Ударот врз финансиите на милитантната група придонесе за 90-процентно зголемување на оние кои ја напуштаат и пад на новодојдени, рече тој.

Во 2014 година, американското Министерство за финансии ја нарече ИСИС  “најдобро-финансирана терористичка организација”.

На брифинг за новинари, генерал-мајор Герстен, заменик-командант за операции и разузнавање во коалцијата предводена од САД, изјави дека биле извршени околу 20 воздушни напади врз објекти со пари на групата.

Тој не прецизираше како САД дознале колку пари се уништени.

Без коментари

LEAVE A REPLY