Отворена фабрика за чипс во Кравари

0
1386

Фабриката СТИЗА се наоѓа во битолското село Кравари на површина од 1.200 метри квадратни, која стартува со 40 нови вработувања. Во последната предвидена фаза производството ќе достигне и до 5.000 тони компири. Вкупната вредност на инвестицијата изнесува 3 милиони евра.

mkd-237026

Покрај премиерот, на денешното отворање на фабриката присуствуваа и градоначалникот на општина Битола, Владимир Талески и министерот за странски инвестиции, Бил Павлевски.

mkd-237027

– Инвестицијата на нашиот сограѓанин Горданчо Мирчевски во родниот крај е типичен пример за голем број Македонци кои ниту далечината, ниту времето, ниту пак стандардите на високо развиените земји не ги одделија од својата татковина. Македонија во своето поблиско и подалечно минато беше изложена на голем одлив на население. Многумина заминаа, но никогаш не заборавија на Македонија. Секогаш кога може македонската дијаспора помага во секоја смисла на зборот. За жал, многу наши луѓето кои во минатото сакаа своето занење и својот тешко заработен капитал да го вложат во својата татковина беа соочени со бројни потешкотии и недоразбирања. Сепак оваа Влада ја промени таквата слика и повеќе години наназад ние интензивно работиме на зацврстувањето на релациите со македонската дијаспора и нејзино анимирање за вклучување во актуелните општествени политички реформски и бизнис процеси во Македонија, рече Груевски.