Потврдени, но и намалени казнети за Блатер и Платини

0
570
Germany v Portugal: Group G - 2014 FIFA World Cup Brazil...SALVADOR, BRAZIL - JUNE 16: UEFA President Michel Platini and FIFA President Joseph S. Blatter attend the 2014 FIFA World Cup Brazil Group G match between Germany and Portugal at Arena Fonte Nova on June 16, 2014 in Salvador, Brazil. (Photo by Jean Catuffe/Getty Images)

Апелациониот комитет на ФИФА им ги намали казните на доскорешниот претседател на оваа организација, Сеп Блатер и на претседателот на УЕФА, Мишел Платини. Првичните осумгодишни суспензии за работа во фудбалот, Апелациониот комитет на ФИФА на двајцата високи функционери им ги намали на шест години.

Челниците на двете најголеми фудбалски организиции, кон крајот на минатата година беа суспендирани поради „нелојална исплата“ од два милиони долари. Оваа сума на пари 79-годишниот Блатер, во 2011 година, му ја исплатил на Платини за консултаски работи извршени во периодот од 1998 до 2002 година.

ФИФА, во своето соопштение наведува дека активностите во фудбалот, кои Блатер и Платини ги имале во изминатите години, заслужиле соодветно признание и дека тоа е олеснителна околност во овој случај.

Блатер и Платини имаат право оваа одлука да ја обжалат во судот за Спортска арбитража во Лозана.