Повторно тензии во Идомени, мигрантите ја кинат оградата

0
322

Во Идомени повторно има немири меѓу македонската полиција и мигрантите.

Дел од мигрантите почнаа да ја тегнат оградата на македонско-грчката граница, за да можат да ја скинат и да влезат во Македонија. Македонската полиција фрли шок бомби и солзавец кон нив за да ја растури толпата.

Групата која го започнала протестот се претпоставува дека е составена од мигранти од Авганистан и Мароко.

Последните два дена по немирите во неделата во Идомени беше мирно, без протести и судири со полицијата.

Во неделата големи групи мигранти поттикнати од невладини организации сакаа да влезат насилно во Македонија, мислејќи дека понатаму ќе можат да продолжат кон ЕУ.