Пожарот во Македонски Брод се проширува

0
425

Пожарот што подолго време е активен во реонот на Македонски Брод вчера во попладневните часови се проширил на територијата на Општина Гостивар, во атарот на селата Корито и Железна Река. Пожарот е на терен непристапен за возила, што го отежнува неговото гасење, информира Центарот за управување со кризи.

Во пожарот е зафатена површина обрасната со сува трева, смрека, како и мешана шума. Пожарот кон село Страјане и кај манастирот е локализиран, а од спротивната страна е сè уште активен. Во атарот на село Корито горат сува трева и пасишта, но состојбата таму не е опасна.

Според пристигнатите информации до 8 часот утрово, пожарот во атарот на село Требовле сè уште е активен, но засега нема опасност за селото, информира ЦУК. Исто така, велат од таму, спречено е и напредувањето на пожарот кон село Растеш, тој дел од пожарот се контролира.

http://makfax.com.mk

Без коментари