Проширувањето кон Западен Балкан стратегиска инвестиција

0
325

Во најновиот документ за идната политика на Европската унија проширувањето на Унијата кон Западен Балкан се оценува како „стратегиска инвестиција во европската безбедност и просперитет“. Во истовреме, Русија се опишува за „клучен стартегиски предизвик“ што претставува своевиден компромис меѓу земјите членки.

Документот наменет за самитот на Европската унија е подготвен од дипломатски претставници откако лидерите на Унијата лани и дадоа задача на шефицата на дипломатијата Федерика Могерини да обезбеди стратегиски оценки како „водич на идните глобални активности на Европската унија“.

Во документот во кој увид имаше и Радио Слободна Европа, се посочува важноста на проширувањето на Европската унија.

Политиката на проширување, која во моментов ги вклучува Турција и повеќе земји од Западен Балкан, како Босна и Херцеговина, Косово, Македонија, Црна Гора и Србија се опишува како „стратегиска инвестиција во европската безбедност и просперитет“.