Ракометарите направија подвиг и надополнија -6 за место на Мундијалот

0
338

Македонската ракометна селекција во средата вечерта во спортскиот центар „Борис Трајковски“ со мотивирана и супериорна игра успеа да го надомести заостанувањето од минатата седмица од Злин кога беше поразена од Чешка со 22-28, и со 34-27 се пласираше на Светското првенство кое ќе се игра во Франција во јануари следната година, обезбедувајќи го во континуитет шестиот настап на големите глобални и континентални турнири.

За подвигот по бледото издание во Злин бездуго придонесе и присуството на Наумче Мојсоски и Филип Миркуловски, кои последен пат настапија во репрезентативниот дрес.

Манасков беше најефикасен со 11 голови, осум постигна Кирил Лазаров, од кои шест во второто полувреме, а Миркуловски се прости од националниот дрес со стоотстотен учинок „шест од шест“. Прибак и Мојсоски додадоа по три погодоци, два имаше Георгиевски, а еден Стоилов. Борко Ристовски заврши со седум одбрани.

Кај Чешка повторно одличен на голот беше Мартин Галија со 11 одбрани, од кои три пенала, а прв стрелец беше Здрахала со шест голови.

Светското првенство во Франција ќе се одржи од 11 до 29 јануари вгодина, а ќе биде петто за Македонија, вкупно деветти настап на големите собири и шести во континуитет од 2012 година.