Реал и Сити обезбедија полуфинале на ЛШ

0
439
"Real Madrid's Portuguese forward Cristiano Ronaldo celebrates after scoring during the Champions League quarter-final second leg football match Real Madrid vs Wolfsburg at the Santiago Bernabeu stadium in Madrid on April 12, 2016. / AFP / CURTO DE LA TORRE (Photo credit should read CURTO DE LA TORRE/AFP/Getty Images)"

Фудбалерите на Реал Мадрид и Манчестер Сити се првите полуфиналисти во Лигата на шампионите. Реал во реваншот ја надомести негативата од два гола против Волфсбург и со головите на Роналдо победи 3:0, додека Сити славеше над ПСЖ, со голот на Де Брујне.

Реал силовито тргна во реваншот и до 17-та минута успеа да го анулира резултатот од првиот меч. Кристијано Роналдо во помалку од 120 секунди постигна два гола. Реал доминираше и во останатиот дел од мечот, Рамос ја погоди стативата во второто полувреме, а мечот да не оди во продолженија се погрижи Роналдо кој во 78-та минута го комплетираше „хет трикот“.

Португлецот оваа сезона веќе има постигнато 16 голови на десет натпревари во Лигата на шампионите.

Многу помалку возбудувања имаше во Манчестер, каде Сити избори прво полуфинале во ЛШ, во клупската историја.

Единствениот гол на натпреварот го постигна Де Брујне во 76-та минута. Инаку победникот можеше да биде решен и порано, но Агуеро во 29-та минута не реализира пенал.

Во среда ќе бидат познати и преостанетите две екипи кои ќе играат во полуфиналето. Реванш четвртфиналните натпревари ќе ги одиграат Атлетико Мадрид и Барселона (1:2), односно Бенфика и Баерн (0:1).

Без коментари

LEAVE A REPLY