САД бара целосно повлекување на аболицијата

0
387

Политичките помилувања треба целосно да бидат повлечени. Доколку лидерите ги поништат или повлечат помилувањата само на делумен или селективен начин, тоа само дополнително ќе го зголеми растечкото чувство на неказивност, порача американскиот дипломат Хојт Брајан Ји.

Се уште веруваме во Договорот од Пржино и ги повикуваме политичките лидери да ги спроведат реформите преземени со тој договор, порача заменик помошникот државен секретар на Соединетите Држави Хојт Брајан Ји, кој овие два дена престојуваше во Скопје. Ји соопшти дека главна тема на неговите разговори со политичките лидери во земјава била кризата предизвикана од помилувањата на претседателот.

„Помилувањата од страна на претседателот според наше видување го поткопува владеењето на правото. Овие помилувања го поткопаа не само владеењето на правото, туку и македонската кредибилност како земја која е одлучна да биде дел од Европа и евроатланските институции“, изјави Ји.