Секој петок ќе биде неработен во Венецуела

0
393

Венецуела го прогласи петок за неработен ден, односно за време на април и мај работната недела ќе завршува во четврток. Причина за оваа мерка, верувале или не е штедењето! Претседателот на Венецуела Николас Мадуро на државната телевизија најави дека жителите ќе имаат продолжен викенд, а оваа мерка ќе се спроведува во наредните 60 дена. Така работниците во Венецуела за време на април и мај ќе работат до четврток, а целата оваа мерка ќе биде спроведена со надеж да се заштеди на електрична енергија која и недостасува на целата земја.

Жителите не го кријат изненадувањето од оваа мерка на социјалните мрежи, а на многу од нив не им е јасно како оваа мерка ќе се однесува на училиштата, бирократијата и трговијата. Хотелите и трговските центри ќе мораат да се снабдуваат со струја од генераторите, а до жителите се апелира да ги подржат мерките за штедење на струјата. Долготрајната суша доведе до тоа нивото на вода се доведе близу до критичното ниво во повеќе хидроцентрали.