Северна Кореја ги хакирала телефоните на политичарите од Јужна Кореја

0
284

Jужнокорејската разузнавачка агенција ја обвини Северна Кореја дека им ги хакирала телефоните на повеќе од 10 официјални лица на Јужна Кореја, од кои украла текстуални и гласовни пораки, како и листа на повици.

Во соопштението на Националната безбедносна служба на Јужна Кореја се наведува дека хакирањето е направено кон крајот на февруари и почетокот на март, а притоа не е наведено за кои точно политичари и официјални лица станува збор.

Северна Кореја неуспешно се обидела да го хакира и мејлот на јужнокорејската железница на почетокот на оваа година, во склоп на подготовките за сајбер напад на контролниот систем на оваа железници, пишува во соопштението на Националната безбедносна служба.