Силна експлозија во Аеродром кај зградата на СВР Скопје

0
278
Во близина на зградата на СВР-Скопје во скопски Аеродром се случила силна детонација околу 15 минути по полноќ. Нема повредени лица, оштетени се прозорски стакла и три возила.
Како што изјави за МИА помошник министерот за внатрешни работи Иво Котевски, ноќеска непознат сторител дошол во близина на зградата на Секторот за внатрешни работи во Скопје и фрлил експлозивна направа која експлодирала на работ од тротоарот на паркингот во близина на објектот.
– Веднаш е излезено на лице место, подигнати се траги за вештачење. Непознатиот сторител откако ја фрлил експлозивната направа избегал, појасни Котевски, додавајќи оти според првичните сознанија, најверојатно се работи за рачна бомба.