Советник на Трамп пристигна во Москва

0
286

Советникот на новоизбраниот претседател на САД Доналд Трамп Картер Пејџ пристигна во Москва поради предвидени разговори.

„Ќе се сретнам со влијателни бизнисмени и идејни лидери“, изјави Пејџ за РИА „Новости“.

Советникот на Трамп додаде дека ќе остане во Москва до 13 декември.

Заменик-министерот за надворешни работи на Русија Сергеј Рјабков подоцна изјави дека дипломатите не планираат средба со Картер Пејџ.

Претходно Пејџ изјавуваше дека на администрацијата на новоизбраниот претседател на САД ѝ се потребни луѓе кои веруваат во потенцијалот на руско-американските односи. Според него, дијалогот меѓу земјите е невозможен без да се има доверба кон рускиот лидер Владимир Путин.