Талибаните го пробија влезот во Кундуз

0
203

Талибанските борци, кои покренаа офанзива од три правци кон северниот авганистански град Кундуз, го пробија во понеделникот главниот влез во градот, запалија неколку згради и накусо ја заземаа градската болница, јавува Reuters.

Иако авганистанските безбедносни сили повратија под своја контрола поголем дел од територијата во истоимената провинција Кундуз, талибаните се прегрупираа и во вториот голем напад во понеделникот врз градот Кундуз успеале да ги пробијат одбранбените позиции на силите на централните власти. Известувачот на Reuters јавува дека герилските борци го заземале јужниот дел од градот, а повеќе десетици жители во паника побегнале кон аеродромот, каде се запрени од безбедносните сили.

„Во моментов се водат жестоки борби во населбите Канабад, Чардари и Имам Саеб, главните приоди кон градот. Имаме доволно сили и ќе ги потиснеме нивните сили“, изјавил портпаролот на полицијата Сарвар Хусаин. Според него, три полицајци се ранети во судирот, додека 20 талибански борци се убиени.

Ова не е прва талибанска офанзива врз Кундуз. Во април и јуни годинава тие напредуваа на само неколку километри од градот, по што војската ги потисна.