Трет ден протести по изборната победа на Вучиќ

0
271

Илјадници демонстранти, главно студенти, и синоќа излегоа во Белград да протестираат против големата победа на премиерот Александар Вучиќ на претседателските избори што се одржаа на 2 април. Тие повторно се собраа пред зградата на српскиот парламент, обвинувајќи го Вучиќ за изборен грабеж.

„Вучиќ лопов“ и „Крај на диктатурата“ беа повиците на демонстрантите чиј број, како што јавуваат новинските агенции, се зголемувал додека марширале по белградските улици.

Тие наведуваат дека Вучиќ бил автократски лидер и оти неговата Српска напредна партија била корумпирана и инструментализирана во, како што велат, наместените претседателски избори.