Турција ги потврди нападите во Алепо, изврши нови во Латакија, САД бараат да прекине

0
776

САД во саботата вечерта ја повикаа Турција да прекине со артилериските гранатирања врз силите на сириските Курди и на сириската армија во северниот дел од Сирија, откако Анкара потврди дека ги гаѓала позициите на курдските сили, но веднаш потоа ноќта кон неделата извела нови гранатирања врз другата сириска северна покраина Латакија.

„Ги повикавме сириските Курди и другите сили поврзани со PYD (Курдската партија на демократското единство) да не го искористуваат метежот за да дојдат до нови територии. Покрај тоа ги видовме информациите за артилерискиот оган од турската страна на границата и ја повикавме Турција да го прекине огнот“, изјави ноќта кон неделата портпаролот на Стејт департментот Џон Кирби.

„Вознемирени сме од ситуацијата на север од Алепо и работиме на тоа за да се намали напнатоста од сите страни“, го цитира AFP Кирби.

Турција повторно во саботата изведе два одвоени артилериски напади врз сириската територија. Во првиот напад беа гаѓани позициите на Единиците за одбрана на народот (YPG) кои во северната покраина Алепо, десетина километри од турската граница ја заземаа пред два дена од сунитските бунтовници воздухопловната база Минех и контролираат важни правци кои го оневозможуваат снабдувањето со оружје и луѓе бунтовниците кои ги поддржува Турција.

Во вториот напад, турската артилерија ги гаѓала позициите на сириската владина армија во покраината Латакија.

„Турската артилерија отвори оган врз позициите на сириската армија во областа на планината Алија во северозападниот дел од покраината Латакија. Долетаа неколку проектили од турска територија, изјави за агенцијата РИА сириски воен извор.

Турски воени извори потврдиле за агенцијата Anadolu дека во саботата во два одвоени напада ги гаѓале курдските и сириските сили, наводно како одговор на оган од нивните позиции, но овие информации не се потврдени од независни извори.

„Според правилата на постапување, турските вооружени сили гаѓале цел на PYD во близина на градот Азаз, во покраината Алепо“, рекол за агенцијата неименуван турски воен извор. Додал и дека турската војска „возвратила“ на оган од страна на силите на сириската влада врз воена позиција во околината на Хатај, на југот од Турција.

Не се објавени никакви поединости за видот на турските гранатирања, а се претпоставува дека станува збор за оган од јуришни тенкови.

И турскиот премиер Ахмет Давутоглу ги потврдил нападите врз PYD, но не сакал да зборува за детали.

„Денешната одмазда е изведена според правилата на постапување против силите кои претставуваат закана за Азаз (град на сириска територија – з.р) и околината“, изјавил Давутоглу во текот на посетата на градот Ерзинчан, на истокот од Турција.

Алудирајќи на курдските сили, тој PYD ги нарекол „терористичка група којашто е поврзана со сирискиот режим кој учествува во руските воздушни удари врз цивили“./крај/мф/сн

Без коментари

LEAVE A REPLY