Убиен командир на албанската единица за брза интервенција

0
963

Командирот на специјалната единица за брза интервенција „Ренеа“ од полицискиот комесаријат во северниот албански град Скадар, Симон Ѓета е убиен вчера доцна попладне при полициска акција за апсење на криминалец во селото Облик, јави дописникот на МИА.

Во акцијата во која учествувале и припадници на специјалната единица требало да биде уапсен 52-годишниот Ружди Аришта. Кога полициското возило се приближило до неговата куќа каде се криел, тој почнал да пука. Во моментот кога Ѓета, влегол во неговата куќа, со цел да го убеди да се предаде, тој со калашњиков директно пукал во него и тешко го ранил, по што на пат за болница командирот им подегнал на повредите.

Акцијата следувала по инцидентот во кој Аришта пукал и ранил 21-годишно момче. Полициски извори наведуваат дека Аришта бил познат како проблемаитчна и многу опасна личност.

Апелите на полицијата да се предаде тој ги одбивал и постојано одговарал со пукање. По дванаесет часовна „војна“ во која биле употребени и гасни бомби полицијата со блиндирано возило оштетила и дел од неговата куќа, по што влегла во неа и во престрелка го убила опасниот криминалец.

Во акцијата виле вклучени 250 полицајци и 15 оклопни возила.