Уште три дена за предавање на мандатот

0
494

Сѐ уште не е усогласен текстот со гаранциите кои претседателот Ѓорге Иванов ги бара во однос на унитарноста и неменување на Уставот за да го предаде мандатот за формирање на влада на лидерот на СДСМ Зоран Заев. Иванов бара и прецизен став за откажување од барањата кои се дел од платформата на трите партии на Албанците во Македонија.

Рокот за предавање на мандатот истекува на 19 мај. Се споменува и некакво службено патување на претседателот на 18 мај, па можно е средбата меѓу Иванов и Заев да се одржи денес или утре.

Претседателот на Собранието Талат Џафери веќе најави дека ако до 19 мај Иванов не му го даде мандатот на Заев, на 20 мај ќе се одржи собраниска седница на која ќе се избере новата влада.