Утрински поздрав од Антена на Пелистер

0
3156

Понеделнички утрински поздрав од врвот Пелистер. Фотографијата е направена кон Битола, но магла го покрила градот.

Убавината Ви ја пренесува нашиот пријател Јонче Мурат Илиески, на кој јавно му се заблагодаруваме за сите моменти што ги овековечил, а сме ги споделиле со Вас.

Утрово најстудено беше во Маврово, како што информира УХМР, се измерени минус 7 степени, во Берово -5, во Крушево – 4, Ѓуриште и Тополчани -3, Крива Паланка, Лазарополе и Пожаране -2, во Штип, Виница, Струмица, Прилеп и Куманово нула, во Скопје, Битола, Охрид, Претор и Дебар еден,  Тетово 2, Демир Капија 3, Дојран 4 и Гевгелија 5.

Во текот на ноќта зголемена облачност имаше на крајот од ноќта на запад и северозапад. Утрово е претежно сончево на југоистокот од земјата. На повисоките места и вдолж Повардарието дува умерен северен ветер.

Времето денеска ќе биде умерено до значително облачно со сончеви периоди. Ќе дува слаб до умерен претежно северен ветер. Температурата ќе биде во интервал од 5 до 11 степени.

До средината на работната  недела  ќе се задржи променливо облачно повремено со подолги  сончеви периоди. Во вторник на крајниот југозапад ќе има услови за појава на краткотраен дожд. Во овој период ќе дува слаб до умерен претежно северен ветер и утринските температури на повеќето места ќе бидат под нулата. Од четврток ќе започне да дува претежно југоисточен ветер, а температурите ќе бидат во постепен пораст. Изгледи за нови врнежи има за крајот на следниот викенд.

Без коментари

LEAVE A REPLY