Вицепремиерот Анѓушев пријави богатство од 28 милиони евра

0
2779

Богатството на Кочо Анѓушев тежи околу 28 милиони евра. Вицепремиерот за економски прашања, денеска јавно го обелодени својот анкетен лист.

Семејството  Анѓушеви поседуваат станови во Скопје и Белград и куќа на Халкидики во Грција  која има  вредност од 250.000 евра.

Од недвижниот имот во Скопје, поседуваат една куќа и пет станови во центарот на Скопје.

На име на Анѓушев  се две луксузни  возила – марка „масерати“ и „порше“ во вкупна вредност од 120.000 евра.

Во негова сопственост се уметнички слики и скулптури, дваесет на број во вредност од 105.000 евра, четири рачни часовници од брендовите „ролекс“, „омега“ и „картие“, златен накит и моторен чамец.

Со ваков анкетен лист Анѓушев одлучи да се откаже од државната месечна плата од  81.000 денари. Најави дека  ќе ги донира во добротворни цели.

Вицерпремиерот за економски прашања, Кочо Анѓушев се откажа од вицепремиерската плата. Тој својата плата во висина од 81.000 денари ќе ја донира во хуманитарни цели.

„Половина од парите ќе бидат распределени на социјално загрозени семејства, а другата половина за стипендирање на студенти од техничките науки. Побарав список на 200 социјално загрозени семејства на кои ќе им бидат распреледувани парите“, изјави Анѓушев на првата средба со новинарите по назначувањето, на која зборуваше за економските приоритети во неговото ангажирање.

Покрај ова, Анѓушев додаде дека нема да користи државно возило за доаѓање на работа, туку ќе користи сопствено и нема да го оптоварува државниот буџет со ангажман на двајца телохранители колку што му следуваат, туку ќе користи услуги само од еден.