Владата во вторник ќе поднесе предлог за нов јавен обвинител

0
247

Во вторник, Владата ќе поднесе барање до Собранието да распише оглас за нов јавен обвинител, кој ќе застане на местото на Зврлевски. По распишувањето на огласот, следите 15 дена ќе може да се кандидираат сите кои ги исполнуваат условите.

Потоа Советот на јавните обвинители на барање на Владата во рок од 15 дена доставува образложено мислење во писмена форма за сите пријавени кандидати на огласот што ги исполнуваат условите.

Доколку Советот од оправдани причини во определениот рок не достави мислења до Владата, рокот се продолжува уште 15 дена. Ако и во овој рок Советот не достави мислење, се смета дека мислењето е позитивно. Доколку Советот не даде позитивно мислење за ниту еден од пријавените кандидати, Владата не може да утврди предлог за именување јавен обвинител и може да му предложи на Собранието да го повтори огласот.

“Изборот на новиот јавен обвинител ќе биде според потребите на граѓаните. Тој ќе го почитува законот и Уставот на Република Македонија. Владата на наредната седница ќе постави предлог заклучок, за избор на јавниот обвинител. Собранието ќе треба да објави оглас во Службен весник, а пак Советот на јавни обвинители ќе треба да даде свое мислење, со што ќе донесе одлука за еден од кандидатите. Процедурата продолжува повторно во Собрание, каде пратениците со просто мнозинство ќе треба да го изгласаат” рече Миле Бошњаковски.

Тој додаде дека за нив, мислењето на Антикорупциска нема да влијае на целата процедура, која ќе започне на следната владина седница.

http://a1on.mk

Без коментари