ВМРО-ДПМНЕ со најмногу реклами во вториот круг

0
236

Коалицијата предводена од ВМРО-ДПМНЕ со најголем обем на рекламирање во вториот круг од Локалните избори, покажуваат податоците од мониторингот на Агенцијата за аудио и аудиовизуелни медиумски услуги.

Од телевизиите опфатени со мониторингот најмногу реклами се емитувани на ТВ НОВА (речиси 12 часа) и на ТВ Сител и ТВ Алсат-М по околу 5 часа.

Агенцијата забележала помал интензитет на кампањата во вториот круг, во споредба со првиот круг од изборите.

Радиодифузерите опфатени со мониторингот во вториот круг од Локалните избори, кампањата ја покриваа со помал интензитет, генерално обидувајќи се да обезбедат еднакви услови за пристап до програмите на учесниците во изборите. Во последните десет дена од изборната кампања (од 18 до 27 октомври 2017 година) на кој се однесуваат денешните извештаи, прекршување на барањето за непристрасно покривање на изборите е констатирано само кај две телевизии што емитуваат програма на државно ниво – ТВ Алфа и ТВ Нова. Кај нив, во вкупната програма се констатира пристрасност во корист на ставовите и реакциите на Коалицијата предводена од ВМРО ДПМНЕ. Во законски утврдениот рок Агенцијата ќе поднесе барања за поведување прекршочни постапки пред надлежен суд.